قصة تتجسد كل معانى العشق والحب

قصيده من أحزن ما كتبت تبكي من كان قلبه من صخر
قصه واقعيه تتجسد فيها كل معاني الحب والعشق
صورتها هذه الكلمات الرائعه

* قصتها :
رجل يعشق فتاة عشق لا حدود له ..
شاء القدر ان يتركها للعمل بعيدا عنها
ويكون حياته ويرتبط بها
ولكن القدر أقوى بكثير من مايتمناه الانسان !!
أدعكم تعيشون بين طيات حروفها ,,
,,
,,
,,
قلـت الـوداع وجاوبـت دمعـة العيـن
تـجـرح بساتـيـن الـخـدود النـديـه
وراحت .. وشفت بعينها الحـزن حزنيـن
وصاحت علـى الفرقـا انـا مـو قويـه
وجاوبتهـا ارجـوك .. تكفـيـن تكفـيـن
والله دمـعـك يشـعـل الـنـار فـيّـه
وقـالـت تعاهدني ..عـهـاد المحـبـيـن
الله يـخـون الـلـي يـخـون بخـويّـه
قلـت ابشـري واللـي خلقـك لاتظنيـن
حـرااااام ماغيـرك عشـقـت آدمـيـه
وقصّت شعرها .. قلت انـا .. وش تسويـن
قالـت ابـي .. مـن غرتـي لـك هديـه
ونادتنـي الغربه .. علـى الهـم والبـيـن
احسّـب الأيـااااام .. روحـه .. وجيّـه
وفـي كـل ليله .. ترتسـم بيـن رمشيـن
خيالها.. بـيـن الـرمـوش .. الشقـيـه
غربـة سنه .. فـي ذمتـي غربـة سنيـن
متى علـى الله .. يلتقـي الحـي .. حيـه
خلاص ..هانت .. مابقـى غيـر يومـيـن
خلاص .. قفّت ..غربـةٍ جرهديـه
ورجعت .. شوقي في خفوقي .. براكيـن
ورجعـت انـا .. كلـي لها.. جاذبـيـه
وسألت ما ردّوا .. وانا اصيح هي .. وين !!!
وكلٍ نثر .. مـن داخـل العيـن .. مَيّـه
وفـي معمعـة حزني .. تلقيـت رمحيـن
قالـوا تـوفـت .. غافلتـهـا .. المنـيـه
وفـي غرغرتها .. ماذكرت .. غير حرفيـن
تشـهـدت بسـمـك .. شـفـاة البنـيـه
وتزاحمـت فـي داخلي .. ألـف سكيـن
والحزن .. يطـويـنـي ثمانيـن .. طـيّـه
صدمه.. وجابتني علـى الارض .. نصفيـن
وشلـون راحـت دون .. ذنـب وخطيـه
تكفون .. دلونـي علـى القبر .. هالحـيـن
مـاعـاد فيـنـي للصبر .. مقـدريـه
ووقفـت اطالـع قبرها .. بيـن نصبـيـن
وجلست .. اضـم اغلـى النصايـب عليّـه
واصيح .. وش بك يا غلا .. مـا ترديـن
اشتقـت .. همس .. إشفاهك .. النرجسـيـه
وش فيك .. جيت من السفر .. مـا تهليـن
ماهي من عـوايدك .. ولا انتـي .. رديـه
وحاولت في لحظة جنون .. اجرح الديـن
وازيـح تـربـة قبرهـا .. فـي يـديّـه
وبالغصب شالوني .. حشـا تقـل مسكيـن
واصـرخ بهم واااااااالله واااااااالله حـيّـه
اقفيت .. وتاهـت بـي جميع .. العنـاويـن
والحـزن يلعب .. داخلـي .. سامـريـه
ورجعت لـدروب الشقـا .. قبـل عاميـن
مدري من اللـي صـار .. فينـا ضحيـه
,,
,,
,,
وســـــلامتكـــــــــمـ
تقبلـــوا أحتـــرامـــي وتقـــديـــري